Arumuganeri

தூத்துக்குடி மாவட்டத்தில் தொடர்ந்து பெய்து வரும் மழை காரணமாக சாலைகள் மற்றும் குடியிருப்புப் பகுதிகளில் மழைநீர் தேங்கியுள்ளது. இந்த தொடர் மழையினால் 25 வீடுகள் இடிந்தன.

வங்கக் கடலில் ஏற்பட்டுள்ள குறைந்த காற்றழுத்த தாழ்வுநிலை காரணாக தூத்துக்குடி மாவட்டத்தில் வியாழக்கிழமை முதல் மழை பெய்து வருகிறது. இந்நிலையில் திருச்செந்தூர், காயல்பட்டினம், உடன்குடி உள்ளிட்ட பகுதிகளில் சனிக்கிழமையும் மழை பெய்தது. தூத்துக்குடி, ஓட்டப்பிடாரம் உள்ளிட்ட பகுதிகளில் மழை சற்று குறைந்து காணப்பட்டது. பல இடங்களில் தேங்கியுள்ள மழைநீரால் பொதுமக்கள் அவதியடைந்துள்ளனர்.

ஆறுமுகனேரி-காயல்பட்டினத்தில் இயல்பு வாழ்க்கை பாதிப்பு: ஆறுமுகனேரி மற்றும் காயல்பட்டினத்தில் நீடித்து வரும் மழையால் மக்களின் இயல்பு வாழ்க்கை முற்றிலும் பாதிப்படைந்துள்ளது. இப்பகுதியில் வெள்ளிக்கிழமை இரவு முதல் சனிக்கிழமை காலை வரை மழை கொட்டித் தீர்த்தது. இதனால், காயல்பட்டினம் நகராட்சி, ஆறுமுகனேரி பேரூராட்சி பகுதிகளில் தாழ்வான இடங்களை மழை நீர் குளம்போல் சூழ்ந்துள்ளது.

அந்த தண்ணீரை வடியச் செய்யும் முயற்சிகளில் எவ்விதப் பலனும் கிடைக்கவில்லை. ஊழியர்கள் பற்றாக்குறையாலும், மழை ஓயாததாலும் இந்நிலை பணிகள் தாமதமாகி வருவதாகக் கூறப்படுகிறது. காயல்பட்டினத்தில் புறநகர்ப் பகுதியில் காட்டாற்று வெள்ளம் போல் நீர் தேங்கியுள்ளது. வியாழக்கிழமை இரவு ஆறுமுகனேரியில் மட்டும் 16 வீடுகள் இடிந்திருந்தன. இந்நிலையில், வெள்ளிக்கிழமை இரவு ஆறுமுகனேரியில் 21 வீடுகளும், காயல் பட்டினத்தில் 4 வீடுகளும் இடிந்தன.

அதன் விவரம்: காயல்பட்டினத்தில் கோமான்புதூர், காட்டுதைக்காதெரு, குலாம் சாகிபு தம்பி தோட்டம் மற்றும் பூந்தோட்டம் ஆகியவற்றில் தலா ஒரு வீடு இடிந்தது.

ஆறுமுகனேரி பேரூராட்சியில் அடைக்கலாபுரத்தில் 4 வீடுகளும், கீழநவ்வலடிவிளை, பாரதி நகரில் தலா 2 வீடுகளும், பேயன்விளை, புதூர், காணியாளர் தெரு, சுப்பிரமணிய சுவாமி கோவில் தெரு, சண்முகபுரம் கீழத்தெரு, செல்வராஜபுரம், குத்துக்கல் சுவாமி கோவில் தெரு, காமராஜபுரம், ராணிமகராஜபுரம், வன்னிமாநகரம், வடக்கு சுப்பிரமணியபுரம், தெற்கு சுப்பிரமணியபுரம் ஆகிய இடங்களில் தலா ஒரு வீடும் இடிந்தன. அனைத்து வீட்டு உரிமையாளர்களுக்கும் நிவாரணத் தொகை வழங்க வருவாய் துறையினர் நடவடிக்கை எடுத்து வருகின்றனர்.

தூத்துக்குடி மாவட்டத்தில் வெள்ளிக்கிழமை இரவு முதல் சனிக்கிழமை காலை 8 மணி வரை, 454 மி.மீ. மழை பதிவானது. மாவட்டத்தில் சராசரியாக 23 மி.மீ. பதிவானது. மாவட்டத்தில் அதிகபட்சமாக சாத்தான்குளத்தில் 67 மி.மீ. மழை பதிவானது. காயல்பட்டினத்தில் 63 மி.மீ., குலசேகரன்பட்டினத்தில் 55 மி.மீ, கடம்பூரில் 29 மி.மீ., ஸ்ரீவைகுண்டம், ஓட்டப்பிடாரம் பகுதியில் 28 மி.மீ., தூத்துக்குடியில் 24 மி.மீ., கீழஅரசடி, வைப்பாறு பகுதியில் 20 மி.மீ. மழை பதிவானது.

திருச்செந்தூர் அருள்மிகு சுப்பிரமணிய சுவாமி கோயிலில் வைகாசி விசாகத் திருவிழா புதன்கிழமை நடைபெற்றது. இதில், லட்சக்கணக்கான பக்தர்கள் கடலில் புனித நீராடி, சுவாமி தரிசனம் செய்தனர்.

இக் கோயிலில், முருகப் பெருமானின் ஜென்ம நட்சத்திர திருவிழாவான வைகாசி விசாகத் திருவிழா, வசந்த விழாவாக இம் மாதம் 2ஆம் தேதி தொடங்கி, 10 நாள்கள் நடைபெற்றது. நாள்தோறும் பல்வேறு நிகழ்ச்சிகள் நடைபெற்றன.

நிறைவு நாளான புதன்கிழமை வைகாசி விசாகத் திருவிழாவை முன்னிட்டு கோயில் நடை அதிகாலை 1 மணிக்கு திறக்கப்பட்டது. தொடர்ந்து, விஸ்வரூப தரிசனம், உதயமார்த்தாண்ட அபிஷேகம், காலை 9 மணிக்கு உச்சிகால அபிஷேகம், மாலை 4 மணிக்கு சாயரட்சை தீபாராதனை நடைபெற்றது.

பின்னர், சுவாமி ஜெயந்திநாதர் தங்கச் சப்பரத்தில் வசந்த மண்டபத்தில் எழுந்தருளினார். அங்கு வைகாசி விசாகத்தின் முக்கிய நிகழ்வான முனிக் குமாரர்களுக்கு சாப விமோசனம் அளிக்கும் வைபவம் நடைபெற்றது.

அதைத் தொடர்ந்து சுவாமி கிரிவீதி வலம் வந்து கோயில் சேர்ந்தார். இதையடுத்து திருவிழா நிறைவடைந்தது.

திருவிழாவையொட்டி, சில நாள்களாக தமிழகத்தின் பல்வேறு பகுதிகளிலிருந்து பக்தர்கள் விரதமிருந்தும், பாதயாத்திரையாகவும் இங்கு வந்தனர். இதனால் புதன்கிழமை கோயில் வளாகம் பக்தர் கூட்டத்தால் நிரம்பிவழிந்தது. மேலும், பக்தர்கள் அதிகாலைமுதலே கடலில் புனித நீராடியதால் கடற்கரையிலும் மக்கள் வெள்ளம் காணப்பட்டது.

பக்தர்கள் காவடி- பால்குடம் எடுத்துவந்தும், அலகு குத்தியும், அங்கப் பிரதட்சிணம் செய்தும் நேர்த்திக்கடன் செலுத்தினர்.

கூட்ட நெரிசலால் கோயில் வளாகம், கடற்கரை உள்ளிட்ட இடங்களில், பக்தர்கள் தாங்களே தேங்காய் உடைத்து, பூஜை செய்து சுவாமியை வழிபட்டனர்.

பாதுகாப்புப் பணியில் மாவட்ட காவல் கண்காணிப்பாளர் துரை உத்தரவின் பேரில், திருச்செந்தூர் காவல் துணை கண்காணிப்பாளர் செü. கோவிந்தராஜ், இன்ஸ்பெக்டர்கள் கோ. பத்மநாபபிள்ளை, சு. இந்திரா உள்ளிட்ட காவல் துறையினரும், தீயணைப்பு, ஊர்க்காவல் படையினரும் ஈடுபட்டனர்.

பக்தர்களுக்கு குடிநீர் வழங்குதல், வரிசையை ஒழுங்குபடுத்துதல் உள்ளிட்ட பணிகளில் தூத்துக்குடியைச் சேர்ந்த மேல்மருவத்தூர் ஆதிபராசக்தி ஆன்மிக இயக்கத்தினர், அகில பாரத அய்யப்ப சேவா சங்கத்தினர் ஈடுபட்டனர்.

பக்தர்கள் வசதிக்காக பல்வேறு வழித்தடங்களிலிருந்து கூடுதலாக சிறப்பு பேருந்துகள் இயக்கப்பட்டன.

ஏற்பாடுகளை கோயில் தக்கார் ப.தா. கோட்டை மணிகண்டன், இணை ஆணையர் (பொறுப்பு) இரா. ஞானசேகர், அலுவலகக் கண்காணிப்பாளர் மூ. பாலு, கோயில் பணியாளர்கள் செய்தனர்.

Courtesy : Dinamani.com

திமுக தலைவர் கருணாநிதி பிறந்த தின விழா செவ்வாய்க்கிழமை ஆறுமுகனேரியில் கொண்டாடப்பட்டது.

ஆறுமுகனேரி செல்வராஜபுரம், வடக்கு பஜார், மெயின் பஜார் மற்றும் பாரத ஸ்டேட் வங்கி கிளை அருகில் திமுக கட்சிக் கொடியேற்றப்பட்டது.

நிகழ்ச்சிக்கு திருச்செந்தூர் ஒன்றிய திமுக செயலர் ஏ.பி.ரமேஷ் தலைமை வகித்தார். நகரச் செயலர் ராஜசேகர் மற்றும் ஆறுமுகனேரி தொடக்க வேளாண் கூட்டுறவு கடன் சங்கத் தலைவர் கா.ராகவன் ஆகியோர் முன்னிலை வகித்தார். பேரூராட்சித் தலைவர் அ.கல்யாணசுந்தரம் கொடியேற்றி வைத்து இனிப்பு வழங்கினார்.

மாவட்டப் பிரதிநிதிகள் பாலன், முருகேசன், ஒன்றிய பிரதிநிதி  ரவி, நகரப் பொருளாளர் வரதராஜன், எலிசா, விநாயகம் மற்றும் பலர் கலந்துகொண்டனர்.

திருச்செந்தூரில் அதிமுக அரசின் சாதனை விளக்க பொதுக்கூட்டம் நடைபெற்றது.

கூட்டத்துக்கு ஒன்றியச் செயலர் அமலி டி.ராஜன் தலைமை வகித்தார். பேரூராட்சித் தலைவர் மு.சுரேஷ்பாபு, மாவட்டப் பொருளாளர் எம்.ஜெபமாலை, மாவட்ட ஜெயலலிதா பேரவை இணைச் செயலர் மு.ராமச்சந்திரன், மாவட்ட வழக்குரைஞரணி துணைத் தலைவர் ஜெ.திலீப்குமார் ஆகியோர் முன்னிலை வகித்தனர்.

கூட்டத்தில் திரைப்பட நடிகர் குண்டுகல்யாணம் பேசினார். கூட்டத்தில் ஒன்றியப் பொருளாளர் தனசேகரன், ஒன்றிய அவைத்தலைவர் ஜெஸ்லர், கூட்டுறவு சங்கத்தலைவர்கள் கு.முருகேசன், பூந்தோட்டம் பி.மனோகரன், தேவராஜ், நகர துணைச்செயலர் சங்கரன், வழக்குரைஞர்கள் ரவிச்சந்திரன், சரவணன், அர்ச்சுணன்யாதவ் உள்ளிட்ட பலர் கலந்துகொண்டனர். முன்னதாக நகரச் செயலர் வி.எம்.மகேந்திரன் வரவேற்றார். மாவட்ட திட்டக்குழு உறுப்பினர் மு.வடிவேல் நன்றி கூறினார்.

வைகாசி விசாகத் திருவிழா ஏற்பாடுகள் குறித்த ஆலோசனைக் கூட்டம் செவ்வாய்க்கிழமை (ஜூன்3) மாவட்ட ஆட்சியர் அலுவலகத்தில் நடைபெறுகிறது.

திருச்செந்தூர் அருள்மிகு சுப்பிரமணிய சுவாமி திருக்கோயிலில் இம்மாதம் 11 ஆம் தேதி வைகாசி விசாகத் திருவிழா நடைபெறுகிறது.

விழாவுக்கு வருகைதரும் பக்தர்களுக்கு தேவையான அடிப்படை வசதிகள் குறித்த முன்னேற்பாடுகள் கூட்டம் மாவட்ட ஆட்சியர் தலைமையில் செவ்வாய்க்கிழமை காலை 11.30 மணிக்கு தூத்துக்குடி மாவட்ட ஆட்சியர் அலுவலகத்தில் நடைபெறுகிறது. கூட்டத்தில் பல்வேறு துறை அரசு அதிகாரிகள் பங்கேற்பதால் பக்தர்கள் கலந்து கொண்டு தங்கள் ஆலோசனைகளை வழங்கினால் அது குறித்து அதிகாரிகள் உரிய நடவடிக்கை எடுப்பார்கள் என ஆட்சியர் அலுவலக செய்திக் குறிப்பில் தெரிவிக்கப்பட்டுள்ளது.

மடிக்கணினி பற்றாக்குறையால் மடிக்கணினி வைத்துள்ள பொறியியல் மாணவர்களை தேர்தலில் பணியாற்ற மாவட்ட நிர்வாகம் முடிவு செய்துள்ளது.

தூத்துக்குடி மாவட்டத்தில் உள்ள பொறியியல் கல்லூரியில் 2-ம் மற்றும் 3-ம் ஆண்டு பயிலும் மாணவர்களை மக்களவைத் தேர்தலில் வெப் கேமரா மூலம் பதிவு செய்யும் வாய்ப்பு அளிக்க மாவட்ட நிர்வாகம் முடிவு எடுத்துள்ளது.

இதுதொடர்பாக, மாவட்டத்தில் உள்ள பொறியியல் கல்லூரி முதல்வர்கள் மற்றும் தாளாளர்கள் கலந்து கொண்ட கூட்டம் மாவட்ட ஆட்சியர் ம. ரவிக்குமார் தலைமையில் செவ்வாய்க்கிழமை நடைப்பெற்றது.

இதில், ஆட்சியர் பேசுகையில், மக்களவைத் தேர்தலன்று வாக்குச்சாவடி மையங்களில் வெப் கேமரா மூலம் இந்திய திருநாட்டில் எங்கு இருந்தாலும் அங்கேயே இருந்து வாக்கு மையங்களை நேரடியாக பொதுமக்கள் பார்த்துக் கொள்ளும் வகையில் அதற்கான ஏற்பாடுகளை மாவட்ட நிர்வாகம் ஏற்பாடு செய்து வருகிறது. ஆயிரத்துக்கும் மேற்பட்ட வாக்கு மையங்கள் இருப்பதால் அனைத்து மையங்களுக்கும் தேவையான மடிக்கணினி தற்போது இல்லை. அதனால் மடிக்கணினி வைத்துள்ள அதை பயன்படுத்தக் கூடிய மாணவர்களுக்கு வாய்ப்பு அளிக்க முடிவு செய்யப்பட்டுள்ளது.

இந்த அரிய வாய்ப்புகளை மாணவர்கள் பயன்படுத்திக் கொள்ள வேண்டும் இவர்களுக்கு தேர்தல் ஆணையம் அனுமதிக்கும் மதிப்பூதியமும் வழங்கப்படும் என்றார் ஆட்சியர்.

Courtesy: Dinamani.com

காயல்பட்டினம் வாவு வஜீஹா மகளிர் கல்லூரி மாணவியர் வாக்காளர்களிடத்தில் விழிப்புணர்வு ஏற்படுத்தும் வகையில் செவ்வாய்க்கிழமை மனிதச் சங்கிலி நடத்தினர்.

தேர்தலில் வாக்களிக்க பொதுமக்களுக்கு விழிப்புணர்வூட்டும் நோக்குடன், நடைபெற்ற இம் மனிதச் சங்கிலி நிகழ்ச்சி காயல்பட்டினம் மகாத்மா காந்தி ஞாபகார்த்த வளைவில் தொடங்கி, தைக்கா பஜார் வழியாக ஹாஜியப்பா தைக்கா பள்ளி வரை நடைபெற்றது. இச்சாலைகளின் இரு ஓரங்களிலும் மாணவியர் கைகோர்த்து நின்றனர்.

கல்லூரியின் நிறுவன தலைவர்  வாவு எஸ்.செய்யித் அப்துர்ரஹ்மான் தலைமையில் நடைபெற்ற இந்நிகழ்ச்சியில், மாவட்ட ஊரக வளர்ச்சி முகமை திட்ட அலுவலர் ஜெ.பெல்லா சிறப்பு அழைப்பாளராகக் கலந்துகொண்டார்.

அவருடன், திருச்செந்தூர் கோட்டாட்சியர் மு.தமிழ்ராஜ், வட்டாட்சியர் நல்லசிவன், வருவாய் ஆய்வாளர் வசந்தி, காயல்பட்டினம் தென்பாகம் கிராம நிர்வாக அலுவலர் வைரமுத்து, நகராட்சி ஆணையர் ம.காந்திராஜ், சுகாதார ஆய்வாளர் எஸ்.பொன்வேல்ராஜ், வாவு வஜீஹா மகளிர் கல்லூரியின் துணைச் செயலர் வாவு எஸ்.ஏ.ஆர்.அஹ்மத் இஸ்ஹாக், முதல்வர் முனைவர் சசிகலா ஆகியோரும் கலந்துகொண்டனர்.பொதுமக்களை வாக்களிக்கத் தூண்டும் வாசகங்கள் அடங்கிய பதாகைகளையும் மாணவியர் கையில் ஏந்தியிருந்தனர்.

Courtesy : Dinamani.com

சாகுபுரம் டிசிடபிள்யூ நிறுவனத்தில் 43 ஆவது பாதுகாப்பு வார விழா நடைபெற்றது.

தொடக்க நாள் விழாவில், நிர்வாக உதவித்தலைவர் (பணியகம்) ஆர்.ஜெயகுமார் கலந்துகொண்டு பாதுகாப்பு கொடியேற்றினார். அலுவலர்கள் மற்றும் தொழிலாளர்கள் பாதுகாப்பு உறுதிமொழி எடுத்துக்கொண்டனர்.

நிறைவு நாள் விழாவுக்கு, நிர்வாக உதவித்தலைவர் (பணியகம்) ஆர்.ஜெயக்குமார் தலைமை வகித்தார். மதுரை தொழிலகப் பாதுகாப்பு மற்றும் சுகாதாரம் கூடுதல் இயக்குநர் வி.தங்கராஜ் மற்றும் தூத்துக்குடி இணை இயக்குநர் அப்பாவு சாம்ராஜ் ஆகியோர் சிறப்பு விருந்தினர்களாக கலந்துகொண்டனர். மனிதவள பொதுமேலாளர் ஆர்.பசுபதி சிறப்பு விருந்தினர்களை அறிமுகம் செய்துவைத்தார். கவிதை, விநாடி-வினா, பட்டிமன்றம் மற்றும் பாதுகாப்பு தொடர்பாக நடத்தப்பட்ட போட்டிகளில் வெற்றிபெற்றவர்களுக்கு பரிசுகள் வழங்கப்பட்டன.

நிர்வாக உதவித்தலைவர் (குளோர் அல்கலி) சுபாஷ் டாண்டன் வரவேற்றார். பாதுகாப்பு ஆண்டறிக்கையை பாதுகாப்பு மேலாளர் எஸ்.ராஜா சங்கர் சமர்ப்பித்தார். இறுதியில் விழாவில் கலந்து கொண்ட அனைவரும் மரக்கன்றுகளை நட்டினர். நிகழ்ச்சியில், ஸ்பிக், ஸ்டெர்லைட் உள்ளிட்ட தொழிற்சாலைகளின் பிரதிநிதிகள் கலந்துகொண்டனர்.

Courtesy: Dinamani.com

திருச்செந்தூரில் கால்நடைகளுக்கான சிறப்பு மருத்துவ முகாம் நடைபெற்றது.

முகாமிற்கு திருச்செந்தூர் கூட்டுறவு பால் உற்பத்தியாளர் சங்க ஒன்றியத்தலைவர் அ.கோவிந்தன் தலைமை வகித்தார். ஆவின் நிறுவன மேலாளர் தங்கையா முன்னிலை வகித்தார். மருத்துவக்குழுவினர் கால்நடைகளை பரிசோதனை செய்து சிகிச்சை அளித்தனர். நிகழ்ச்சியில் நகர கூட்டுறவு பால் உற்பத்தியாளர் சங்க நிர்வாகிகள் ஆறுமுகம், எஸ்.முத்துகிருஷ்ணன், சி.சேகர், டி.காசி, கோபால், பட்டாணி, எஸ்.சுப்பையா, குருசாமி உள்பட பலர் கலந்து கொண்டனர். பால்வளத்துறை மேலாளர் கலைச்செல்வி நன்றி கூறினார்.

Courtesy: Dinamani.com

தமிழ்நாடு மெர்க்கன்டைல் வங்கியின் புதிய ஏ.டி.எம். சேவை மையம் தொடங்கி வைக்கப்பட்டது.

காயல்பட்டினம் பிரதான வீதி - பெரிய தெரு முனையில் அமைக்கப்பட்ட இந்த வங்கியின் ஏ.டி.எம். மையத்தை நகர்மன்றத் தலைவர் ஐ. ஆபிதா ஷேக் திறந்து வைத்தார்.

நகராட்சி ஆணையர் எம். காந்திராஜ் இயக்கி வைத்தார். வாவு வஜீஹா வனிதையர் கல்லூரியின் முதல்வர் முனைவர் ஒய். சசிகலா குத்துவிளக்கேற்றி வைத்தார்.

நிகழ்ச்சியில், தூத்துக்குடி மண்டல மேலாளர் எம். போஸ், நகர்மன்றத் தலைவர் ஆகியோர் பேசினர்.     

விழாவில், வங்கியின் நிர்வாக அதிகாரி பழனிகுமார், ஆறுமுகனேரி நலமன்றத் தலைவர் பி. பூபால்ராஜன், தொழிலதிபர்கள் எஸ். மகேஷ் ராஜன், பொன்னையா, ஏ.கே. கலீல், ஆறுமுகனேரி அரிமா சங்கத் தலைவர் எம்.எஸ்.எஸ். சண்முக வெங்கடேஷ் மற்றும்  நகர்மன்ற உறுப்பினர்கள் உள்ளிட்டோர் கலந்துகொண்டனர்.

ஆறுமுகனேரி கிளை மேலாளர் ஆர். ரமேஷ் பென்சிலால் நன்றி கூறினார்.

காயல்பட்டினம் அர்ரஹீம் மீலாது குழு 27-ஆம் ஆண்டு தொடக்கவிழா மற்றும் நபிகள் நாயகம் பிறந்த நாள் விழா ஆகிய இரு பெரும் விழா இரண்டு நாள்கள் நடைபெற்றன.

தொடக்கநாளில் ஜன்னத்துல் காதிரிய்யா பெண்கள் தைக்கா அருகில், மஹான் ஸþஃபீ ஹழ்ரத் காஹிரீ ரலியல்லாஹு அன்ஹு திடலில், மக்தப் முஹ்யித்தீன் மத்ரஸா மாணவர்-மாணவிகளின் 2-ம் ஆண்டு சன்மார்க்க நிகழ்ச்சிகள் நடைபெற்றன.

2-வது நாளன்று அஹ்மத் நெய்னார் பள்ளியின் இமாம் பாளையம் அபுல்ஹஸன் ஷாதுலீ ஸதக்கலீ தலைமையில், கத்முல் குர்ஆன் ஓதி தமாம் செய்யப்பட்டது. கே.எஸ்.முஹம்மத் தாஹா தலைமையில் மவ்லித் மஜ்லிஸ் நடைபெற்றது. பின்னர், மக்தப் முஹ்யித்தீன் மத்ரஸா மாணவர்-மாணவிகளின் சன்மார்க்க நிகழ்ச்சிகள் நடைபெற்றன.

அன்று மாலையில் எஸ்.எஸ்.இ.காழி அலாவுத்தீன் தலைமையில் மீலாது விழா பேரணியும், மக்தப் மாணவர்களின் தஃப்ஸ் நிகழ்ச்சியும் நடைபெற்றன. மஃரிப் தொழுகைக்குப் பின், கலீபா எஸ்.இ.ஷெய்கு நூருத்தீன் தலைமையில் திக்ர் மஜ்லிஸ் நடைபெற்றது.

இஷா தொழுகைக்குப் பின் எஸ்.டி. செய்யித் இஸ்மாயில் மற்றும் காயல்பட்டினம் மஹ்ழரா அரபிக் கல்லூரி பேராசிரியர்  ஏ.கே.முஹம்மத் அஸ்ஃபர் அஷ்ரஃபீ ஆகியோர் சன்மார்க்க சொற்பொழிவாற்றினர். ஆசிரியர் இசட்.ஏ.ஷெய்கு அப்துல் காதிர் நன்றி கூறினார்.

தூத்துக்குடி தெற்கு மாவட்ட காங்கிரஸ் செயல்வீரர்கள் கூட்டம், திருச்செந்தூர் கே.டி.எம். மற்றும் குறிஞ்சி மஹாலில் சனிக்கிழமை நடைபெற்றது.

கூட்டத்துக்கு, தெற்கு மாவட்டத் தலைவர் எஸ்.டி.ஆர்.விஜயசீலன் தலைமை வகித்தார். வட்டார தலைவர்கள் திருச்செந்தூர் இரா.தங்கமணி, உடன்குடி பி.சிவசுப்பிரமணியன், சாத்தான்குளம் வி.பி.ஜனார்த்தனம், ஆழ்வார்திருநகரி (கிழக்கு) கே.முருகேசன், (மேற்கு) வி.கோதண்டராமன், ஸ்ரீவைகுண்டம் (மேற்கு) என்.நல்லகண்ணு ஆகியோர் முன்னிலை வகித்தனர்.

தமிழக துணைத் தலைவர் ஏ.பி.சி.வி.சண்முகம், வடக்கு மாவட்ட காங்கிரஸ் தலைவர் பி.கதிர்வேல், முன்னாள் தெற்கு மாவட்டத் தலைவர் எஸ்.ஜஸ்டின், முன்னாள் எம்.எல்.ஏ. வெ.ராணி வெங்கடேசன், மாநில பொதுக்குழு உறுப்பினர் சு.கு.சந்திரசேகரன் உள்ளிட்ட பலர் பேசினர்.

கூட்டத்தில், எண்ணூர் துறைமுகத்துக்கு காமராஜர் பெயர் சூட்டிய மத்திய அமைச்சர் ஜி.கே.வாசனுக்கு நன்றி தெரிவிப்பது, தூத்துக்குடி விமான நிலையத்துக்கு காமராஜர் பெயர் சூட்ட வேண்டும். கல்வி கடன் வட்டியை தள்ளுபடி செய்ததற்கும், பழனி-திருச்செந்தூர் தினசரி ரயில் இயக்கியதற்கும் மத்திய அரசுக்கு நன்றி தெரிவிப்பது, கன்னியாகுமரி  திருச்செந்தூர் வழியாக புதிய ரயில் பாதை அமைக்க வேண்டும்.

ராஜீவ்கொலை குற்றவாளிகளை விடுவிப்பது தொடர்பான ஜெயலலிதா தலைமையிலான அமைச்சரவையின் முடிவை கண்டிப்பது என்பன உள்ளிட்ட பல்வேறு தீர்மானங்கள் நிறைவேற்றப்பட்டன.

கூட்டத்தில், வழக்குரைஞர் மகேந்திரன், மாவட்டச் செயலர்கள் நா.லோகநாதன், ஐந்துகோடி எஸ்.அரிகரன், வி.கே.எம்.பாஸ்கரன், எஸ்.டி.சண்முகம், ஹர்பான்சிங், நடராஜன், மாவட்ட துணைத் தலைவர்கள் எஸ்.ஆதிலிங்கம், எஸ்.பேச்சியம்மாள், தூத்துக்குடி மாநகர் மாவட்டத் தலைவர் ஏ.டி.எஸ்.அருள், முன்னாள் தூத்துக்குடி மாநகரத் தலைவர் சி.எஸ்.முரளிதரன், முன்னாள் நாடாளுமன்ற தொகுதி இளைஞர் காங்கிரஸ் தலைவர் க.பெருமாள்சாமி, மயிலை பி.பெரியசாமி, டி.சிவபால், ஆழ்வை வட்டார பொருளாளர் அருள்சீலன், நகரத் தலைவர்கள் ராஜாமணி, சாத்தான்குளம் ஜெயபிரகாஷ், ஆழ்வார்திருநகரி இளங்கோ நயினார், ஆத்தூர் ஸ்ரீராம், கானம் கிருஷ்ணன் உள்ளிட்ட பலர் கலந்துகொண்டனர்.

முன்னதாக விவசாய அணி மாவட்டத் தலைவர் ஜெ.ஜெயசேகர் வரவேற்றார். திருச்செந்தூர் நகரத் தலைவர் குறிஞ்சி டி.எஸ்.சுரேஷ் நன்றி கூறினார்.