Arumuganeri

திருச்செந்தூரில் தமிழக முதல்வரின் 66-வது பிறந்த நாளை முன்னிட்டு சிறப்பு பூஜைகள் நடைபெற்றன.

திருச்செந்தூர் கோயில் திருவாவடுதுறை ஆதீனம் கந்தசஷ்டி மண்டபத்தில் நடைபெற்ற பூஜைகளுக்கு தக்கார் ப.தா.கோட்டை மணிகண்டன் தலைமை வகித்தார். திருக்கோயில் விதாயகர்த்தா சிவசாமி தீட்சிதர் தலைமையில் கணபதி ஹோமம், ஆயுஷ்ய ஹோமம், ம்ருத்யஞ்ச ஹோமம், சத்ரு சம்ஹார சுப்ரமண்ய ஹோமம், த்ரிசதி அர்ச்சனை, குமார சுத்த ஜெபம், ஸ்ரீ வாஞ்சி வேத வித்யாலயா மகளிர் பாட சாலையினரின் லலிதா ஸஹஸ்ர நாமம், ஸ்தோத்திரபாராயணம் ஆகியன நடைபெற்றன. தொடர்ந்து மூத்த அதிமுக பிரமுகரான 96 வயது மூதாட்டி மு.கோட்டையம்மாள் அலகு குத்தி காவடி எடுத்தார்.

ஒன்றிய ஜெயலலிதா பேரவை சார்பில் நலத்திட்ட உதவி :திருச்செந்தூர் ஒன்றிய ஜெயலலிதா பேரவை சார்பில் முதல்வர் பிறந்தநாளை முன்னிட்டு நலத்திட்ட உதவிகள் வழங்கும் விழாவுக்கு பேரூராட்சித் தலைவரும், ஒன்றிய ஜெயலலிதா பேரவைச் செயலருமான மு.சுரேஷ்பாபு தலைமை வகித்தார்.

முன்னாள் எம்.எல்.ஏ.வும், மாவட்ட எம்.ஜி.ஆர். மன்றச் செயலருமான அ.செல்லத்துரை பெண்ணுக்கு தையல் இயந்திரத்தை வழங்கினார். தொடர்ந்து 66 பெண்களுக்கு நலத்திட்ட உதவியாக இலவச சேலை வழங்கப்பட்டது.

நகர அதிமுக சார்பில் :திருச்செந்தூர் நகர அதிமுக சார்பில் முதல்வர் ஜெயலலிதா பிறந்தநாளை முன்னிட்டு 66 கிலோ கேக் வெட்டி அக்கட்சியினர் கொண்டாடினர்.

திருச்செந்தூர் சன்னிதி தெருவில் உள்ள ஸ்ரீ ஆஞ்சநேயர் திருக்கோயிலில் நடைபெற்ற நிகழ்ச்சிக்கு நகரச் செயலர் வி.எம்.மகேந்திரன் தலைமை வகித்தார்.

திருச்செந்தூர் சட்டப்பேரவை தொகுதிச் செயலர் எஸ்.வடமலைபாண்டியன் 66 கிலோ கேக்கை வெட்டி தொண்டர்களுக்கு வழங்கினார்.

10 ஆயிரம் பேருக்கு அன்னதானம் :  திருச்செந்தூரில் மாவட்ட அ.தி.மு.க. சார்பில் முதல்வர் ஜெயலலிதா பிறந்தநாளை முன்னிட்டு 10 ஆயிரம் பேருக்கு அன்னதானம் வழங்கப்பட்டது. திருச்செந்தூர் வ.உ.சி. திடலில் நடந்த நிகழ்ச்சிக்கு மாவட்ட எம்.ஜி.ஆர். மன்றச் செயலர் அ.செல்லத்துரை தலைமை வகித்து, அன்னதானத்தை தொடங்கிவைத்தார்.

நிகழ்ச்சிகளில் மாநில இளைஞர் மற்றும் இளம்பெண்கள் பாசறை துணைச்செயலர் பி.ஆர்.மனோகரன், திருச்செந்தூர் ஊராட்சி ஒன்றியத் தலைவர் லி.ஹேமலதா லிங்ககுமார், துணைத் தலைவர் சண்முகசுந்தரம், மாவட்டப் பொருளாளர் எம்.ஜெபமாலை, திருச்செந்தூர் ஒன்றிய அதிமுக செயலர் அமலி டி.ராஜன், மாவட்ட எம்.ஜி.ஆர். மன்ற இணைச்செயலர் மு.கணேசன், மாவட்ட ஜெயலலிதா பேரவை இணைச்செயலர் மு.ராமசந்திரன், வழக்குரைஞர்கள் கே.ஜேசுராஜ், ஜெ.திலீப்குமார், அ.ரவிச்சந்திரன், மாவட்ட பிரதிநிதி க.விஜயலட்சுமி, கூட்டுறவு சங்கத் தலைவர்கள் பூந்தோட்டம் பி.மனோகரன், சு.விஜயராகவன், கு.முருகேசன், திருச்செந்தூர் பேரூராட்சி உறுப்பினர்கள் மு.வடிவேல், அ.சண்முகசுந்தரம், மு.காளிதாஸ், ச.லட்சுமணன், இளைஞர் பாசறை செயலர்கள் க.வினோத், நாகராஜன், அனைத்து வார்டு செயலர்கள் உள்ளிட்ட பலர் கலந்துகொண்டனர்.

Courtesy : Dinamani.com